د مهترلام ښاروالۍ له لوري د مرکز منظور شوي پلانونو د نمرو خط اندازي ترسره کېږي
نن د مهترلام ښاروالۍ نوبتي ناسته د مهترلام ښاروال الحاج مولوي رحمت الله شهامت په مشرۍ د یادې ادارې له امرینو او مدیرانو سره ترسره شوه
ښاروال د مجلس په پیل کې امرین او مدیران خپلو دندو ته متوجه کړل او له دوی یې غوښتنه وکړه چې ورسپارل شوي مسؤلیتونه د قانون په رڼا کې ترسره کړي
نوموړي همداراز د ښاروالۍ مسلکي او تخنیکي امریت ته دنده وسپارله چې ټول هغه پلانونه چې منظوري یې له مرکز څخه راغلې خط اندازي کړي او هغه چا سره چې د ښاروالۍ موقت د نمرو سند وي، نمرې ورته وښودل شي او د متضریرینو د پلان په اړه دې له مرکز څخه هدایت وغوښتل شي،
د مجلس په پای کې په یو شمیر نورو اړینو موضوعاتو هم بحث او خبرې وشوې چې په ترسره کولو سره به یې ښاریانو ته ډیری سهولتونه برابر شي
