د مهترلام ښاروالۍ پروژو کې ۴۵۰ کسانو ته په ورځني ډول د کار کولو زمینه برابره شوې ده

سږکال تر دې دمه د مهترلام ښاروالۍ له داخلي بودجې د ۶۰ میلیونه افغانیو په ارزښت د مهترلام ښار په بېلابیلو ساحو کې د بیارغونې کارونه روانې دي، چې په یادو پروژو کې شاوخوا ۴۵۰ کسانو ته د کار کولو زمینه هم برابره شوې ده،
یاد کاریګر له مهترلام ښاروالۍ څخه مننه کوي چې په خپل وطن کې یې ورته د کار روزګار زمینه برابره کړې ده
دوی وايي، خوشاله یو، په خپل وطن کې کار کوو، له یوه اړخه د وطن آبادي او له بله پلوه خپلو اولادونو ته حلال رزق ګټو.
همداراز یاد کاریګر له مهترلام ښاروالۍ ریاست مقام څخه د ورته نورو کارونو د پیلیدو غوښتنه کوي
مهترلام ښاروالۍ رهبري کوښښ کوي چې په مهترلام ښار کې د ښه نظم برابروالو او انکشافي کارونو ترڅنګ خلکو ته کاري زمینې هم برابرې کړي