مهترلام ښاروالۍ د پارکونو د زرغونتیا په موخه د اوبو منظم سیستم جوړوي
مهترلام ښاروالۍ د خپلو پروژو په دوام د پارکونو د زرغونتیا په موخه منظم د اوبه کولو سیستم جوړوي، چې نن مهترلام ښاروال الحاج مولوي رحمت الله شهامت او په داوطلبۍ کې ګټونکي نعمان عبدالاحد رحیمي ودانیز شرکت سره قرارداد لاسلیک شو
په دغه پروژه کې به د پارکونو لپاره حوضونه، پیپونه او نلکې ولګول شي چې له مخې به یې ټول نیالګي له دې وروسته په منظم شکل خړوبیږي
ښاروال د قرارداد پر مهال د شرکت مسؤل ته سپارښتنه وکړه چې کارونه په اساسي او معیاري شکل د پلان مطابق ترسره کړي
د یادونې وړ ده چې مهترلام ښاروالۍ سږ کال د بیارغونې ګڼ شمېر پروژې په لاره اچولي چې په پرلپسې ډول به یې چارې پیل شي
