مهترلام ښار کې د سړکونو او ویالو پاککاري ترسره شوه
مهترلام ښاروالۍ د ښار پاکوالي ته ژمنه پاتې شوې او د همدې ژمنتیا په دوام، د یادې ادارې د تنظیف مدیریت زیارکښو کارکوونکو له خوا د لغمان سرافي مارکېټ اړوند ساحه او د علینګار ولسوالۍ پر لور غځېدلي سرک غاړې، ویالې او پلچکونه په منظم شکل پاک کړل شول
په یاده پاک کاري کې له ویالو او پلچکونو څخه کثافات او خځلې راټول شوې چې یو مناسب ځای ته به انتقال او دفن شي
دغه چاره د ښار د ښکلا، روغتیايي وضعیت او ښاریانو ته د پاک چاپېریال برابرولو په موخه ترسره شوې، چې پکې د سرکونو د جارو (خاکروب) پروسه هم شامله وه، ترڅو ښاریان له یو پاک او منظم چاپېریال څخه برخمن شي
مهترلام ښاروالۍ رهبري له ټولو ښاریانو غوښتنه کوي چې د ښار په پاک ساتلو کې له ښاروالۍ سره همکاري وکړي، کثافات د ښاروالۍ له لوري په لګول شویو کثافت دانیو کې واچوي ترڅو د ښاروالۍ د تنظیف کارکونکي یې یو لرې او مناسب ځای ته انتقال او دفن کړي
