مهترلام ښار کې د غږیزې ککړتیا د مخنیوي په موخه لوډسپیکرونه راټول شول

د مهترلام ښاروالۍ د ښاري انضباطاتو مدیر قاري انتظار معاذ په مشرۍ، چې د ښاري نظم انضباطانو یې ملتیا کوله، د مهترلام ښار په بېلابېلو ساحو کې د غږیزې ککړتیا د مخنیوي په موخه یو شمیر لوډسپیکرونه راټول کړل

مدیر قاري انتظار معاذ وویل، چې د لوډسپیکرونو غیر منظم استعمال په ښار کې غږیزه ککړتیا رامنځته کوي او د ښاري نظم د ګډوډۍ لامل ګرځي، له همدې امله د ښاروالۍ له لوري د یادو وسایلو د راټولولو لړۍ پیل شوې، چې له ښار څخه به ټول لوډسپکرونه راټول کړل شي

نوموړي ټولو هټیوالو او دوکاندارانو ته سپارښتنه وکړه، چې د خپلو توکو د ښه پلور او د ښاري نظم د ساتنې په موخه دې پر خپلو اجناسو څرګند نرخونه ولیکي او د لوډسپیکرونو له کارونې څخه دې ډډه وکړي

د یادونې وړ ده، چې مهترلام ښاروالۍ د ښاري نظم د ټینګښت او د سالم چاپېریال د رامنځته کولو په موخه وخت پر وخت ورته نظارتي او اصلاحي فعالیتونه ترسره کوي