د نیکمرغه کوچني اختر په رارسیدو سره د مهترلام ښاروالۍ د تنظیف کارکونکو فعالیتونه چټک شوي دي
د نیکمرغه کوچني اختر په رارسیدو د ښاري نظم د پاک چاپېریال ساتنې په موخه د مهترلام ښاروالۍ د تنظیف زیارکښو کارکونکو فعالیتونه چټک شوي چې نن د مهترلام ښار د لومړۍ ناحيي اړوند د اتفاق د کلي د ویالو او پلچکونو صفايي ترسره کړه
یاده صفايي کې له ویالو او پلچکونو څخه کثافات راټول کړل شول او یو مناسب ځای ته به انتقال او دفن کړل شي
بل اړخ ته بیا د ښاروالۍ د دویمي ناحيي د تنظیف کارکونکو له لوري د سلطان غازي بابا ښار ګوټي اخري سټاپ څخه تر پهلوان بابا په مسیر د عمومي سرک دواړو خواوو جارو کول (خاکروپ) هم تر سره شول
یاده دې وي چې د مهترلام ښاروالۍ د تنظیف زیارکښ کارکونکي د سهار له ۷ بجو څخه تر مازیګر ناوخته پورې د مهترلام ښار په پنځه واړه ناحیو کې خپل فعالیتونه کوي او خلکو لپاره پاک چاپېریال برابروي
