د مهترلام ښار د ویالو پاک کاري او د سرکونو جارو کول ترسره شول
د مهترلام ښاروالۍ د تنظیف او سرسبزۍ مدیریت زیارکښو کارکوونکو د مهترلام ښار په بېلابېلو ساحو کې د ویالو او پلچکونو پاک کاري وکړه، ترڅو د اوبو د تېرېدو مخه خلاصه شي او د چاپېریال د ککړتیا مخنیوی وشي
همداراز د یادو کارکونکو له لوري د ښار د سرکونو خاورې او خځلې خاکروب(جارو کول) هم په منظم شکل ترسره شول
یاده چاره هره ورځ د مهترلام ښاروالۍ د تنظیف ډلې له لوري د ښار د ښې ښکلا او د ښاریانو د سالم چاپېریال د برابرولو لپاره تر سره کېږي
د مهترلام ښاروالۍ رهبري خپلو ټولو ښاريانو ته ډاډ ورکوي چې د ښار د پاکوالي پروسه به دوامداره وي او له ښاریانو څخه هم هیله لري چې د ښار په پاک ساتلو کې خپله همکاري وکړي
