د مهترلام ښار د پارکونو د زرغون ساتلو او ښکلا چارې روانې دي
د مهترلام ښاروالۍ د تنظیف او سرسبزۍ مدیریت له لوري د مهترلام ښار د پارکونو او ګلدانونو د ګلانو د منظم کولو په موخه قینچي کاري پیل شوې، چې په ټولو پارکونو کې به د ښکلا په موخه په زینتي بوټو باندې ډیزاینونه وهل شي
د تنظیف او سرسبزۍ مامور انجنیر ریحان الله آریان وايي"چې دوی د ګلانو د اصلاح، منظم کولو او د ښار د ښکلا په موخه یاده قینچي کاري پیل کړې، چې د مهترلام ښار پنځه واړه پارکونو تر څنګ به د ښار د ټولو ګلدانونو ګلان او زینتي بوټي په منظم شکل قینچي کاري شي.
یاده قینچي کاري چې یوه اوونۍ وړاندې پیل شوې، تر دې دمه د یو شمیر پارکونو او د ښار ګلدانونه منظم شوي دي
د یادونې وړ ده چې د تنظیف او سرسبزۍ مدیریت زیارکښو کارکوونکو له لوري د پارکونو او د ښار د ګلدانونو د خړوبولو چارې هم هره ورځ د پلان له مخې ترسره کېږي، چې په نتیجه کې یې ټول پارکونه، ګلان او زینتي بوټي زرغون ساتل شوي دي
