ښاري کمیسون په مهترلام ښار کې د ګڼې ګوڼې د مخنیوي په موخه خپل فعالیت ترسره کړ
د مهترلام ښاروال الحاج مولوي رحمت الله شهامت په شتون کې ښاري کمیسون نن په مهترلام ښار کې د ګڼې ګوڼې د مخنیوي په موخه خپل فعالیت ترسره کړ
په یاد فعالیت کې د کمیسون د غړو له لوري یو شمیر هغه ریکشې چې ښاري نظم یې خراب کړی ؤ، ونیول شوې او ترافیکو مدیریت ته انتقال شوې
د ښاري کمیسون غړي وايي، چې په مهترلام ښار کې اوس یوازې هغه ریکشو ته اجازه ورکول کېږي کوم چې د ښاري کمیسون له لوري د ښاري ریکشو په نامه ټاکلي دي
یاده دې وي چې د مهترلام ښار د هر سمت ریکشو لپاره مشخصې اډې جوړې شوي چې تر ډیره په ښار کې د ګډوډۍ او ازدحام مخه نیول شوې ده
