په پنځمه ناحیه ترمینل کې د تیلو پمپ د جوړېدو چارې ۷۵ سلنه بشپړې شوي دي
د مهترلام ښاروالۍ له داخلي بودیجې د ۲۲ میلیونه افغانیو په ارزښت د پنځمې ناحیې اړوند د کابل ـ جلالآباد هډې ترڅنګ د یوې مهمې عاداتي پروژې چارې روانې دي، چې نن یې د کانکریټ اچونې کارونه ترسره شول
په یاده پروژه کې د تیلو پمپ، موټرشويي، د اوبو څاه او د بدرفت څاه جوړول شامل دي، چې کارونه یې د پلان له مخې په چټکۍ روان دي، چې تر اوسه یې ۷۵ سلنه کارونه بشپړ شوي او پاتې چارې یې په منظم شکل جریان لري
د کارونو د ښه کیفیت او معیاري تطبیق په موخه مهترلام ښاروال الحاج مولوي نظر محمد عتیق چې تخنیکي او مسلکي امر انجنیر زاهدالله مجددي او انجنیر میاجان عاطفي یې ملتیا کوله، له یادې پروژې څخه یې لیدنه وکړه او د تطبیق کوونکي شرکت مسؤلینو ته یې سپارښتنه وکړه، چې چارې په اساسي، معیاري او د تخنیکي اصولو مطابق پر مخ یوسي
ښاروال ټینګار وکړ، چې دوی به وخت پر وخت له یادې پروژې څخه د ښه معیاري او اساسي کار کولو په موخه څارنه کوي
د یادونې وړ ده چې په یاده پروژه کې د ښاروالۍ له لوري شاوخوا ۵۰ کسانو ته د کار کولو زمینه هم برابره شوې ده
