د اختر له رخصتیو وروسته د مهترلام ښاروالۍ اداري چارې بېرته عادي حالت ته راوګرځېدې
د کوچني اختر له رخصتیو وروسته د مهترلام ښاروالۍ اداري کارکوونکي نن رسماً خپلو دندو ته حاضر شول او د حاضرۍ له لګولو وروسته یې خپلې ورځنۍ چارې په عادي او منظم ډول پیل کړې
مهترلام ښاروال الحاج مولوي نظر محمد عتیق وايي، چې د کار او ټولنیزو چارو وزارت د ټاکل شوي مهالویش له مخې به کارکوونکي د سهار له ۸ بجو څخه د مازیګر تر ۴ بجو پورې خپلې دندې ترسره کوي، څو ښاریانو ته پر وخت او اغېزمن خدمات وړاندې شي
نوموړي زیاته کړه، چې د تنظیف کارکوونکي به د ښار د پاک چاپېریال د ساتنې په موخه په دوامداره ډول خپل فعالیتونه پر مخ وړي، ترڅو مهترلام ښار پاک، منظم او د اوسېدونکو لپاره مناسب پاتې شي
ښاروال همداراز ټینګار کوي، چې د ښاري خدمتونو د ښه والي او د مراجعینو د ستونزو پر وخت حل په برخه کې به خپلې هڅې لا ګړندۍ کړي
د یادونې وړ ده چې د کوچني اختر شپې ورځې په مهترلام ښار کې ښه په آمن ونمانځل شوې
