د مهترلام ښاروالۍ، د جواز ورکولو په عوایدو کې د تیر کال په پرتله ۵۰ سلنه زیاتوالی راغلی دی
لغمان کې د مهترلام ښاروالۍ ښاروال الحاج مولوي رحمت الله شهامت وایي، چې ښار کې د کاروباریانو " هټۍ والو" قانوني کولو په موخه یې د جواز ورکولو پروسه ګړندۍ کړې ده چې له امله یې د تیرکال په پرتله عوایدو او وېش کې ۵۰ سلنه ډېروالی راغلی دی
ښاروال زیاتوي: "تیرکال مو "۱۹۷۴" جوازونه ویشلي و چې له لارې یې ۲ میلیونه او ۱۰۰ زره افغانۍ عواید راټولو شوي و او سږکال مو د کال په لومړیو دریو ربعو کې "۲۲۴۰" عدده جوازونه ویشلي چې ۳ میلیونه افغانۍ عواید مو راټول کړي دي
هغه وایي د ښار د صفایۍ، منظم کولو او ګنه ګوڼې د کمولو لپاره روزانه خپل فعالیتونه ترسره کوي چې تر ډیره یې دا برخه هم له پخوا ښه شوې ده
