د مهترلام ښاروالۍ د پروژو له قراردادیانو سره د کارونو د ښه کیفیت په اړه ناسته ترسره شوه

web_admin
یکشنبه ۱۴۰۴/۱/۳۱ - ۹:۱۸
مجلس

د لغمان ولایت مرکز مهترلام ښاروالۍ د پروژو د تطبیق او کیفیت لوړولو په موخه یوه مهمه ناسته د مهترلام ښاروالۍ د تخنیکي او مسلکي آمر انجنیر زاهد الله مجددي په مشرۍ ترسره شوه، چې د تخنیکي او مسلکي امریت د انجنیري عمومي مدیر محمد عارف سهاک ترڅنګ د یاد مدیریت انجنیرانو د ښاروالۍ اړوند پروژو قراردادیان پکې ګډون کړی وو
په یاده ناسته کې د پروژو د تطبیق پر څرنګوالي، د کیفیت ساتلو، پر وخت بشپړولو او د تخنیکي معیارونو مراعاتولو باندې بحث وشو.
 انجنیر زاهد الله مجددي پر قراردادیانو غږ وکړ چې خپلې پروژې باید د منظور شوي ډیزاین، مشخصاتو او تخنیکي اصولو مطابق تطبیق کړي او له هر ډول کم‌کارۍ او بې‌کیفیته کارونو ډډه وکړي
ښاغلي مجددي ټینګار وکړ چې ښاروالۍ به د پروژو څارنه لا جدي کړي او د کیفیت پر وړاندې هېڅ ډول غفلت به ونه زغمي
نوموړي زیاته کړه چې ښاریان د ښې حکومتولۍ، شفافیت او ښاري خدمتونو لوړ کیفیت ته هیله‌مند دي، نو اړینه ده چې ټول اړوندې خواوې په دې برخه کې خپل مسؤلیتونه په ښه توګه ترسره کړي
د ناستې په پای کې قراردادیانو د ښاروالۍ له لورې د تخنیکي لارښوونو هرکلی وکړ او ډاډ یې ورکړ چې د پروژو د تطبیق پر مهال به ټولو تخنیکي معیارونو ته ژمن پاتې کېږي

تازه ترین اخبار

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS