د مهترلام ښاروالۍ د کارکوونکو ناسته او له اختر وروسته د ښار نظم ته پاملرنه

web_admin
پنجشنبه ۱۴۰۴/۳/۲۲ - ۸:۱۳
مجلس

د لوی اختر له څلور ورځني رخصتۍ وروسته، مهترلام ښاروال الحاج مولوي رحمت الله شهامت د ښاروالۍ له کارکوونکو سره ناسته وکړه، په دې ناسته کې ښاغلي شهامت ټولو کارکوونکو څخه غوښتنه وکړه چې خپلو دندو ته پر وخت حاضر شي، خپلې چارې د پخوا په څېر پرمخ یوسي او د مراجعینو ستونزو ته ژر او مسؤلانه رسېدنه وکړي
ښاروال کارکوونکو ته سپارښتنه وکړه چې د کار او ټولنیزو چارو وزارت د طرزالعمل مطابق خپل کاري نظم ته دوام ورکړي او د خدماتو وړاندې کولو په برخه کې لا زیات جدیت وښيي، نوموړي په ځانګړې توګه د لومړۍ ناحیې له مدیریت څخه غوښتنه وکړه چې ښاري نظم ته جدي پاملرنه وکړي او هغه لارې چې د اختر په شپو او ورځو کې د هټیوالو له خوا بندې شوې وې، د ښاریانو پرمخ بېرته پرانیزي
ښاروال همداراز د ښاروالۍ د تنظیف څانګې له کارکوونکو څخه مننه وکړه او د هغوئ هغه هڅې یې وستایلې چې د اختر په شپو او ورځو کې یې د ښار د پاکوالي او منظم چاپېریال د ساتلو لپاره ترسره کړې وې
د یادونې وړ ده چې د مهترلام ښاروالۍ د تنظیف کارکوونکو د اختر په شپو او ورځو کې هم خپل فعالیتونه نه دي درولي او د ښار د پاکوالي په برخه کې یې پرلپسې هڅې کړي، تر څو ښاریانو ته یو پاک، منظم او ارام چاپېریال برابر کړي

تازه ترین اخبار

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS