د مهترلام ښاروالۍ له لوري په لومړۍ ناحیه کې د برېښنايي تنویري پایو د نصبولو چارې پیل شوې

web_admin
دوشنبه ۱۴۰۳/۱۰/۳ - ۶:۵۲
تنويري يايي

د مهترلام ښاروالۍ د سږکال پروژو په دوام د لومړۍ ناحيي اړوند د سطان غازي بابا ښارګوټي دروازې څخه تر شهید عبدالله پښتون چوک پورې د برېښنايي تنویري پایو د لګولو چارې پیل شوې

مهترلام ښاروال الحاج مولوي رحمت الله شهامت چې د لومړۍ ناحيي مدیر ملا عباس ابراهیمي یې ملتیا کوله د تنویري پایو د کار د ښه کیفیت په موخه یې ترې لیدنه وکړه او نوموړي وویل، چې یادې برقي تنویري پایي د مهترلام ښاروالۍ له داخلي بودجې د څه باندې ۲ میلیونه افغانیو په ارزښت لګول کېږي چې یاده ساحه به ورسره روښانه شي

همداراز ښاروال وویل چې دوی به په نږدې ورځو کې د لومړۍ او پنځمې ناحيي اړوند د ده ملخ پله څخه تر قرارګاه پورې د تنویري پایو د ترمیم چارې هم پیل کړي

د یادونې وړ ده چې اوس مهال د مهترلام ښاروالۍ له لوري د ښار په مختلفو ساحو کې د بیارغونې کارونه روان دي چې ډیری خلکو ته پکې د کار کولو زمینه هم برابره شوې ده

تازه ترین اخبار

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS