د مهترلام ښار د دوکاندارانو او هټۍوالو د پام وړ

مهترلام ښاروالۍ د مهترلام ښار ټولو دوکاندارانو او هټۍوالو ته خبر ورکوي، چې د خپلو دوکانونو، غرفو او هټیو مخې ته د بې‌نظمه پردو، ترپالونو او نورو نامناسبو توکو له نصبولو څخه ډډه وکړي

له ټولو هټۍوالو غوښتنه کېږي، چې د دوکانونو مخې ته له هغو معیاري او منظم پردو څخه استفاده وکړي، لکه څنګه چې په لاندې انځور کې ښودل شوي، ترڅو د ښار ښکلا، ښاري نظم او منظم چاپېریال خوندي پاتې شي

یادونه: ټولو دوکاندارانو ته یوه اوونۍ وخت ورکول کېږي، ترڅو د خپلو دوکانونو مخې ته پردې د ښاروالۍ د پرېکړې او ټاکلي معیار له مخې تنظیم او نصب کړي

 له ټاکلې مودې وروسته، له سرغړوونکو سره به قانوني چلند کېږي، چې بیا حق د شکایت نه لري