د مهترلام ښار شیریخ او کباب پلورونکو ته د ښاري نظم په موخه خبرداری ورکړل شو
د ښاریانو شکایتونو ته د رسیدنې په موخه د مهترلام ښاروالۍ له لوري د ښار شیریخ او کباب پلورونکو ته خبرداری ورکړل شو، ترڅو د ښار نظم او پاکوالي ته ځانګړې پاملرنه وکړي او خلکو ته تکلیف ورنه کړي
په دې اړه د مهترلام ښاروالۍ مرستیال الحاج عبداللطیف اخندزاده، د ښاري حکومتولۍ آمر حاجي عباس عمري، د لومړۍ ناحیې مدیر ملا عباس ابراهیمي او د اصنافو رئیس حاجي محمد طالب خپلواک، شیریخ او کباب پلورونکو ته خبرې وکړې او غوښتنه یې وکړه چې د ښار نظم او پاکوالي ته جدي پاملرنه وکړي
د ښاروالۍ مرستیال الحاج عبداللطیف اخندزاده وویل، له شیریخ او کباب پلورونکو څخه په پرلهپسې ډول شکایتونه شوي، چې د خلکو د تېرېدو پر مهال هغوی پسې غږونه کوي او تکلیف ورکوي
نوموړي زیاته کړه که هر چا له دې وروسته یاد عمل تکرار کړ دوکانونه یې مهرلاک کېږي چې بیا حق د شکایت نه لري
همداراز د لومړۍ ناحيې مدیر ملا عباس ابراهیمي هم په شیریخ او کباب پلورنکو باندې ټینګار وکړ چې خلکو ته مزاحمت ونه کړي، که له دې وروسته هر چا د ښار نظم ته پام ونه کړ او خلکو ته یې تکلیف ورکړ ورسره قانوني چلند کېږي او دوکانونه یې مهرلاک کېږي
