د پنځم ګذر اوسیدونکو په خپله سیمه کې د ګذر وکیل د ټاکلو غوښتنه وکړه
د مهترلام ښار د څلورمې ناحيې اړوند د پنځم ګذر چپرهار سیمې اوسیدونکو د مهترلام ښاروالۍ د ښاري حکومتولۍ آمر الحاج عباس عمري سره وکتل د یو شمیر ستونزو د شریکولو ترڅنګ یې په خپله سیمه کې د ګذر وکیل د ټاکلو غوښتنه وکړه
مشرانو په لومړیو کې د ښاروالۍ فعالیتونو وستایل او د ښاري حکومتولۍ آمر څخه یې غوښتنه وکړه چې په سیمه کې یې ګذر وکیل وټاکي، ترڅو د سیمې ستونزې یې په وخت د ښاروالۍ ریاست مقام سره شریکې شي
عباس عمري ټولو راغلو مشرانو ته د ښه راغلاست ترڅنګ ډاډ ورکړ چې ستونزو ته به یې رسیدنه کوي او د ښاري حکومتولۍ د طرزالعمل مطابق به خپله کړنه ترسره کوي
