د ښاري حکومتولۍ آمریت له لوري د ښاروالۍ کرکټ لوبډلې ته ورزشي وسایل ورکړل شول
د مهترلام ښاروالۍ د ښاري حکومتولۍ آمریت له لوري د لوبغاړو د هڅونې او ورزشي فعالیتونو د پیاوړتیا په موخه د ښاروالۍ کرکټ لوبډلې ته یو شمېر د کرکټ وسایل ورکړل شول
یاد وسایل د ښاري حکومتولۍ آمر الحاج عباس عمري په لاسونو د ښاروالۍ د کرکټ لوبډلې لوبډلمشر ته وسپارل شول، چې پکې ۱۷ جوړې بوټان، ۱۷ جوړې ورزشي لباسونه، دوه ټینس بېټونه، دوه درجنه د هاټ بال توپونه او یو کیټ بېګ د هاټ بال وسایل ورکړل شو
د ښاري حکومتولۍ آمر د لوبغاړو هڅې وستایلې او ډاډ یې ورکړ، چې په راتلونکي کې به لا ډېرې اسانتیاوې ورته برابرې کړي
لوبغاړو د یادو وسایلو په ترلاسه کولو خوښي څرګنده کړه او د مهترلام ښاروالۍ د ریاست مقام او د ښاري حکومتولۍ آمریت څخه یې مننه وکړه، چې وخت پر وخت ورته د تمریناتو او سیالیو لپاره لازمې اسانتیاوې برابروي
