د ګڼې ګوڼې د مخنیوي او د ښاریانو ستونزو اوریدو په موخه مهترلام ښاروال له ښار څخه لیدنه وکړه
مهترلام ښاروال الحاج مولوي رحمت الله شهامت چې د لومړۍ ناحيي مدیر ملا عباس ابراهیمي او د اصنافو رئیس یې ملتیا کوله د ګډوډۍ د مخنیوي او د ښاریانو د ستونزو اوریدو په موخه یې له مهترلام ښار څخه لیدنه وکړه
ښاروال وویل: د ازدحام د مخنیوي او د ښاریانو د ستونزو د اوریدو په موخه مو نن له مهترلام ښار څخه لیدنه وکړه، ترڅو ښار منظم او ښاریان په اسانۍ سره تګ راتګ وکړي
نوموړي وویل، هټیوالو او لاس پلورونکو ته مو ځانګړې ځایونه ټاکلي او زموږ کاري پرسونل هره ورځ په ښار کې خپل فعالیتونه کوي، ښار منظم کوي او هیچا ته اجازه نه ورکوي چې د ښار نظم خراب کړي
یاده دې وي چې ښاروال د هټیوالو او دوکاندانو ستونزې هم له نږدې واریدې او د حل په موخه یې ورته ډاډ ورکړ
