مهترلام ښاروالۍ د پارکونو د شینوالي او ناروغیو مخنیوي لپاره دوا پاشي پيل کړه
د مهترلام ښاروالۍ د تنظیف او سرسبزۍ مدیریت له لوري د دې ښار په ټولو پارکونو کې د نیالګیو، ونو، ګلانو او زینتي بوټو د حشراتو او نباتي ناروغیو د مخنیوي په موخه د دوا پاشۍ چاره نن رسماً پیل کړه
د دغې برنامې مشري د مهترلام ښاروالۍ د تنظیف او سرسبزۍ مدیر حاجي شفیعالله نیازي وکړه، چې د سرسبزۍ مامور انجنیر ریحانالله اریان یې ملتیا کوله، نوموړي وویل، چې دغه دوا پاشي د مهترلام ښاروال الحاج مولوي رحمتالله شهامت د هدایت له مخې پیل شوې ده
نیازي زیاته کړه: دا چاره به د ښار ټول پارکونه، ونې، ګلونه او زینتي بوټي رانغاړي، ترڅو د حشراتو او امراضو مخنیوی وشي او ښاري چاپېریال لا زیات شین او ښکلی پاتې شي
نوموړي وویل: چې د دوا پاشۍ ترڅنګ، د پارکونو لپاره یو منظم د اوبو کولو سیستم هم دوی جوړ کړی، چې له مخې یې ټول پارکونه او د ښار ګلدانۍ په منظم شکل د پلان مطابق هره ورځ خړوبیږي
د یادونې وړ ده چې د مهترلام ښاروالۍ د تنظیف او سرسبزۍ مدیریت زیارکښ کارکوونکي هره ورځ د پلان له مخې د مهترلام ښار د زرغونتیا لپاره نه ستړې کیدونې هلې ځلې کوي
