په دویمه ناحیه کې شاوخوا ۲۰ جریبه ځمکه له غصب څخه وژغورل شوه
د مهترلام ښاروالۍ د دویمې ناحیې مدیریت له لوري د مهترلام ښار اړوند R11 پلان کې شاوخوا ۲۰ جریبه ځمکه له غصب څخه وژغورل شوه
د دویمې ناحیې مدیر مولوي عبدالرحمن مزمل وویل، چې د مهترلام ښاروال الحاج مولوي نظر محمد عتیق په ځانګړې لارښوونه یې په یاده سیمه کې د غصب د مخنیوي په موخه اقدامات ترسره کړل، چې په ترڅ کې یې یو کس چې د ښاروالۍ په ملکیت کې یې د سنګارۍ په موخه شاوخوا ۵۰ موټره د غره تیږه اچولې وه، یاده تیږه راټوله او ښاروالۍ کې مهرلاک شوه
مهترلام ښاروال وايي، چې د ښاروالۍ د پلانونو اړوند ځمکو کې به هېچا ته د غیرقانوني ابادۍ او غصب اجازه ورنه کړل شي او د مخنیوي په موخه به یې لازم اقدامات ترسره کېږي
