مهترلام ښار کې انتظارګاوې او معياري کثافت دانۍ جوړېږي
دمهترلام ښاروالۍ له لوري دښار په بېلا بېلو سیمو کې د جوړو شویو انتظارګاو د افتتاح لړۍ د مهترلام ولایتي روغتون مخته د جوړې شوې انتظارګاه او کثافات دانۍ په ګټې اخیستنې سره پیل شوه.
دلغمان والي ښاغلي عبدالولي واحدزي د مهترلام ښاروال څخه د مننې سربېره وویل، چې د ښار د معیاري خدماتو د پیل لپاره دا لړۍ به نورو سیمو ته هم وغځول شي.
هغه د مهترلام ملکي ولایتي روغتون مخته د جوړې شوې انتظار ګاه او کثافت دانۍ د غوره ساتنې په موخه د روغتون او ښاروالۍ د مسوولینو سربېره له ولسونو هم غوښتنه وکړه چې باید عامه ځایونو ساتنه اوپاکۍ ته ځانګړې پاملرنه ولري.
نوموړي د مهترلام ښار پاکوالي او معیاري کېدو لپاره هم د پیل شویو هڅو یادونه وکړه، چې ورسره به ولسونو ته هر اړخیز خدمات ورسیږي.
په ورته مهال د مهترلام ښاروال مجاهد رحمتزي زیاته کړه، چې دا ډول انتظارګاوې او کثافات دانۍ به د ښار د بېلا بېلو سیمو سربېره ولایت مقام، امنیه قومندانۍ او د پوهنتون مخې ته هم نصب شي.
ښاروال وويل، چې له دې سره به ښار ښکلی او ښاريانو ته سهولتونه برابر شي
