د مهترلام ښاروالۍ له لوري د ۸ میلیونه افغانیو په ارزښت د دوه پروژو چارې پیل شوې

sardar_admin
چهارشنبه ۱۴۰۲/۱۰/۱۳ - ۹:۱۵
1

دوشنبه/د جدي ۱۱مه

لغمان کې د مهترلام ښاروالۍ په مالي لګښت د پنځمې ناحيي اړوند کابل_جلال اباد د لویې هډې د سړک او د  احاطې پاتې برخې جوړولو چارې پیل شوې.

هغه مراسم چې په همدې موخه د مهترلام ښاروالۍ له لوري نیول شوي وو د لغمان والي قاري زین العابدین عابد تر څنګ مهترلام ښاروال الحاج مولوي رحمت الله شهامت، د بېلا بېلو ادارو یو شمیر مسؤلینو او ولسي خلکو ګډون کړی وو.
لغمان والي خبریالانو ته وویل چې یادې پروژې د مهترلام ښاروالۍ په مالي لګښت جوړیږي چې ۸ میلیونه افغانۍ پرې مصرف راځي او د څلور میاشتو په موده کې به یې چارې بشپړې شي.

بل اړخ ته بیا مهترلام ښاروال وویل چې د یادې هډې سړک ۹۰۰ متره اوږدوالی او ۸ متره عرض لري، همداراز ۳۸۰ متره احاطه پکې شامله ده چې په اساسي ډول رغول کیږي، او د څلور میاشتو په موده کې به یې کارونه بشپړې شي.
همداراز ښاروال زیاته کړه چې په راتلونکي کې به په یاده هډه کې ښه میعاري او مسلکي دوکانونه هم جوړ کړي تر څو خلک او مسافر ترې ګټه واخلي.

بل لور ته موټر چلوونکو له ولایتي ادارې او مهترلام ښاروالۍ څخه مننه وکړه چې د سړک جوړولو او احاطې کارونه یې پیل کړل، هغوی وویل یاد سړک خامه دی د چلونې پرمهال پکې ګردونه زیات وي چې په جوړیدو سره به یې یاده ستونزه حل شي.

د یادونې وړ ده چې د مهترلام ښاروالۍ له لوري څه موده وړاندې په یاده هډه کې د سوري برابرولو موخه د ( سایه بانونو) د لګولو چاري هم پیل شوي دي.

تازه ترین اخبار

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS