مهترلام ښاروالۍ د ۱۴۰۳ مالي کال ولسونو ته د حساب ورکونې معلوماتي غونډه ترسره کړه

web_admin
پنجشنبه ۱۴۰۴/۱/۲۸ - ۹:۶
غونډه

هغه غونډه چې په همدې موخه د مهترلام ښاروالۍ په هوټل کې جوړه شوې وه، د لغمان مرستیال والي الحاج مولوي اختر محمد مزمل ترڅنګ، مهترلام ښاروال الحاج مولوي رحمت الله شهامت، د بېلابیلو ادارو رئیسانو، پنځه ګونو ناحیو ګذر وکیلانو، د مشورتي بورډ غړو، د اصنافو ریاست مسؤلینو او ښاریانو ګډون کړی وو
مرستیال والي وویل، په ۱۴۰۳ مالي کال کې په لغمان مرکز او ولسوالیو کې ګڼې پرژوې ترسره شوي چې ډیری خلکو ته پکې د کار کولو زمینه هم برابره شوې وه
هغه وویل چې سږکال به لا زیاتې پروژې په لغمان کې تطبیق شي
 د مهترلام ښاروالۍ د عوايدو مدير نکت الله عزيزي د ۱۴۰۳ مالي کال د راټول شويو عوايدو او د هغه د سرچينو، مالي او محاسبې مدير حاجي عبدالولي الکوزي د مهترلام ښاروالۍ پر لګښتونو او انجنير شوکت الله نعيمي د ترسره شویو پروژو په اړه د غونډې ګډونوالو ته معلومات وړاندې کړل
مهترلام ښاروال الحاج مولوي رحمت الله شهامت وويل دا چې ولسونه حق لري چې د خپلو ورکړل شوو عوايدو په برخه کې معلومات تر لاسه کړي نو غوره يې وبلله چې د دوى د روپۍ روپۍ حساب ورکړي چې د عوايدو د راټولو په پايله کې یې ګڼې پروژې عملي کړي دي
نوموړي زیاته کړه چې سږکال د مهترلام ښاروالۍ له داخلي بودیجې د ۸۶ میلیونه افغانیو په لګښت په مهترلام ښار کې ۱۴ پراختیايي پروژې تطبیق شوي، چې په یادو پروژو کې د ښار دننه د سرکونو جوړول او ترمیم، د پیاده روونو جوړول د مهترلام ښار په پنځو ناحیو کې د کثافت دانیو ایښودل، د سبزي مارکیټ د بام ترمیم او  په ښار کې د تنویرې پایو  نصبول شامل دي
همداراز ښاروال وویل چې د نورو کلونو په پرتله سږکال د مهترلام ښاروالۍ عوایدو کې هم زیاتوالی راغلی دی
د مهترلام ښاروالۍ د مشورتي بورډ مرستيال حاجي حفيظ الله همکار حساب ورکوونه د يوې ادارې د ښه شفافيت نماينده ګي یاده کړه او له مهترلام ښاروالۍ څخه یې مننه وکړه چې خپلو ولسونو ته حساب ورکوي
د غونډې ګډونوالو د مهترلام ښاروالۍ فعالیتونه وستایل او له ښاروال ښاغلي شهامت څخه يې مننه وکړه چې شپه او ورځ د مهترلام ښار د آبادۍ او سمسورتیا لپاره نه ستړې کیدونکي هلې ځلې کوي
د یادونې وړ ده چې د غونډې ګډونوالو ته د مهترلام ښاروالۍ د مطبوعاتو مسؤل لعل آغا ابراهيمي له خوا هغه انځوريز ګزارش هم وړاندې شو چې د ۱۴ پروژو چارې پکې ترسره شوې وې او د ښاروالۍ د بيلابيلو برخو فعاليتونه پکې راټول شوي ؤ

تازه ترین اخبار

یکشنبه ۱۴۰۴/۹/۹ - ۶:۳۱
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

یکشنبه ۱۴۰۴/۹/۹ - ۶:۲۶
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

پنجشنبه ۱۴۰۴/۹/۶ - ۸:۴
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS