د مهترلام ښاروالۍ د مشرتابه تر قیادت لاندې د ښاروالۍ د امرینو او مدیرانو ترمنځ یوه مهمه اداري ناسته ترسره شوه
په پیل کې مهترلام ښاروال الحاج مولوي رحمتالله شهامت، د تیرې اداري ناستې راپور واورېد او د راپور له ارزونې وروسته یې لاندې مهمې پرېکړې او لارښوونې وکړې
ښاروال ښاغلي شهامت ټولو امرینو او مدیرانو ته لارښوونه وکړه چې اداري او خدماتي کارونه باید د پلان مطابق پر وخت ترسره کړي، که هرچا په کارونو کې غفلت وکړ قانوني چلند ورسره کېږي چې بیا حق د شکایت نه لري
هغه وویل" د ښاروالۍ د انجنیرۍ برخې لابراتوار به ژر تر ژره فعال شي ترڅو تخنیکي چارې لا اغېزمنې شي، نوموړي زیاته کړه د ښاروالۍ دواړو ودانیو لپاره به سولري سیستمونه هم برابرکړل شي ترڅو د برېښنايي خدماتو دوام یقیني شي
ښاروال همداراز د ترانسپورټ اړوند ټولو ډریورانو ته سپارښتنه وکړه چې د پارکونو او ګلدانونو خړوبول باید د ټاکلي پلان مطابق ترسره کړي او د محاسبې مدیریت ته یې دنده وسپارله چې پنځه کسان باالمقطه کار لپاره وګماري او تخنیکي او مسلکي امریت ته یې وسپاري، ترڅو د قانوني نمرو د خط اندازۍ چارې پیل شي
نوموړي د کثافاتو د منظم انتقال لپاره لارښونه وکړه، وې ویل هغه موټر چې د ښاروالۍ کثافات انتقالوي باید په کثافاتو باندې د انتفال پر وخت ترپالونه کش کړي، ترڅو کثافات په منظم شکل انتقال او یو پاک او سالم چاپیریال برابر اوسي
همداراز د ناستې په پای کې ښاروال په شنو ساحو کې د کپو او غرفو د جوړولو په اړه وویل، هیڅوک حق نه لري چې په شنه ساحه کې غرفه او کپه نصب کړي، نوموړي، تخنیکي او مسلکي امریت ته دنده وسپارله چې له شنو ساحو څخه ټولې غرفې او کپې لرې کړي
