د مهترلام ښاروالۍ له لوري د ۱۰ میلیونه افغانیو په ارزښت په دویمه ناحیه کې د سرک د جوړیدو چارې پیل شوې

web_admin
Sun, Jan 12 2025 7:05 AM
د سرک جوړلو پروژه

د مهترلام ښاروالۍ د سږکال پروژو په دوام د لس میلیونه افغانیو په ارزښت د دویمې ناحيي اړوند د حاجیانو د کلي سرک د جوړیدو چارې پیل شوې

د یادې پروژې د پیل په مراسمو کې د لغمان مرستیال والي مولوي اختر محمد مزمل ترڅنګ مهترلام ښاروال الحاج مولوي رحمت الله شهامت، د بېلا بیلو ادارو رئیسانو، ګذر وکیلانو، ښاریانو او ولسي خلکو ګډون کړی وو

مهترلام ښاروال وویل، یاده پروژه چې د مهترلام ښاروالۍ له داخلي بودجې تمویل کېږي د ۳۶۰ متره په طول او ۱۵ متره په عرض د سرک کانکریټ اچول دواړو طرفونو ته ویالې او پلې لارې جوړول شامل دي چې په شپږ میاشتو کې به یې کارونه بشپړل شي

نوموړي وویل، په دغه پروژه کې به په ورځني ډول شاوخوا ۳۰ کسانو ته د کار کولو زمینه هم برابره شي

د رڼا څرک ودانیز او سرک جوړونې شرکت مسؤل توحید احمد د یادې پروژې د کارونو په اړه ډاډ ورکوي او وايي چې د سرک د جوړیدو چارې به د مسلکي او باتجره انجنیرانو په شتون کې ترسره کوي

د مهترلام ښار اوسیدونکي د سرک په جوړیدو سره خوشاله دي او مهترلام ښاروالۍ څخه د مننې ترڅنګ وايي چې اوس مهال دوی له ډیرو ستونزو سره مخ ؤ چې د سرک په جوړیدو سره به یې ګنې ستونزې حل شي

د یادونې وړ ده چې د تیرکال په پرتله سږکال د مهترلام ښاروالۍ د بیارغونې کارونه زیات شوي چې ډیری خلکو ته پکې د کار کولو زمینه هم برابره شوې ده

Latest news

Sun, Nov 30 2025 6:31 AM
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

Sun, Nov 30 2025 6:26 AM
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

Thu, Nov 27 2025 8:04 AM
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS