د مهترلام ښاروالۍ له لوري د ۲۲ میلیونه افغانیو په ارزښت د یوې پروژې چارې پیل شوې

web_admin
Mon, Nov 10 2025 7:12 AM
افتتاح

لغمان کې د مهترلام ښاروالۍ له لوري د مهترلام ښار پنځمې ناحيې اړوند د کابل ـ جلال ابا نوې هډې ترڅنګ د يوې پروژې چارې د لغمان والي، مهترلام ښاروال، علماوو شورا رئیس، کرهنې او مالدارۍ رئیس، د اطلاعاتو او کلتور رئیس او شمېر نورو مسولينو لخوا  پیل شوې

 مهترلام ښاروال الحاج مولوي رحمت الله شهامت وويل، چې ياده پروژه د مهترلام ښاروالۍ د داخلي بوديجې څخه تمويليږي، چې پکې د تيلو پمپ، موټر شويي او دوه کوهيانې شاملې دي چې ۲۲ ميليونه افغانۍ پرې لګښت راځي او چارې به يې د اوو مياشتو په موده کې بشپړې ش 

د لغمان والي قاري بختیار معاذ د بنسټ ډبرې د اېښودلو پر مهال رسنيو سره په خبرو کې  وویل، چې په لغمان کې د امارت او موسساتو په بودیجه بیلابیلې پروژې روانې دي او هڅه کوي چې لانور هم د وطن د ابادۍ او ځوانانو ته د کار موندنې په برخه کې بیلابیلې پروژې پلي کړي. 

د علماو شورا رئیس شیخ محمد سلیم حقاني بیا د داسې پروژو په پیل خوښي وښوده او دا یې د هېواد د ابادۍ وروستۍ پروژې ونه ګڼلې همداراز یې وویل "که یو موټی او متحد اوسو هم به هېواد پرمختګ وکړي، او هم به مو د هېواد له خاورې په کلکه دفاع کړي وي، اوس یې وخت دی چې دا وطن اباد کړو او د خپلو خلکو خدمت وکړو" 

بل لور ته د مهترلام ښاریانو په ښار کې د ښاروالۍ له وروستیو پروژو او فعالیتونو څخه خوښي وښوده، هغوی وویل دا ډول پروژو کې ولس ته د سهولتونو د رامنځته کیدو ترڅنګ ګن شمیر ځوانانو ته د کار کولو زمینه هم برابریږي 

د یادونې وړده چې تیره اونۍ هم د مهترلام ښاروالۍ لخوا د ۱.۵ میلیونه افغانیو په ارزښت د یوې پروژې چارې پیل شوي

Latest news

Sun, Nov 30 2025 6:31 AM
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

Sun, Nov 30 2025 6:26 AM
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

Thu, Nov 27 2025 8:04 AM
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS