د مهترلام ښاروال په مشرۍ د ښاروالۍ نوبتي ناسته ترسره شوه
نن د مهترلام ښاروالۍ نوبتي اداري ناسته د مهترلام ښاروال الحاج مولوي رحمت الله شهامت په مشرۍ د ښاروالۍ د امرینو او مدیرانو په ګډون ترسره شوه
په دغه ناسته کې د امرینو او مدیرانو له لوري د تېرو دوو اوونیو د کارونو او سپارل شوو دندو راپور وړاندې شو او همدارنګه یو شمېر مهم موضوعات هم د بحث او کتنې لاندې ونیول شول، څو د راتلونکي لپاره پرې اغېزمن پلانونه جوړ او عملي شي
ښاروال الحاج مولوي رحمت الله شهامت د ټولو امرینو او مدیرانو له هڅو او وخت پر وخت فعالیتونو مننه وکړه او ټینګار یې وکړ چې ښاروالۍ د ټولو ګډ کور دی او د ښار او سیمې هره ستونزه به په ګډه هواروي
نوموړي زیاته کړه چې د ښې همغږۍ او ګډ کار له لارې د ښار د سمسورتیا او پرمختګ لپاره ښه پایلې ترلاسه کېدای شي
په پای کې ښاروال یو شمېر مشخصې دندې اړوندو امرینو او مدیرانو ته وسپارلې او سپارښتنه یې وکړه چې تر راتلونکې ناستې پورې د هغو د ترسره کولو راپور ورسره شریک کړي
