د کابل ـ جلال آباد د هډې د سرک کانکریټ اچونې چارې پیل شوې
د مهترلام ښاروالۍ له لوري د پنځمې ناحيي اړوند د کابل ـ جلال آباد په هډه کې په دریو مختلفو پروژو د سرک کانکریټ کول، د هډې احاطه او د سایه بانونو لګول روان دي، چې نن د احاطې او سایه بانونو د کار د جریان تر څنګ په سرک باندې هم د کانکریټ اچونې چارې پیل شوې.
مهترلام ښاروال الحاج مولوي رحمت الله شهامت چې د ښاروالۍ سکتوري، مالي او د ښاري حکومتوالۍ امرینو یې ملتیا کوله له یادو پروژو څخه یې لیدنه وکړه او د پروژو مسؤلینو ته یې سپارښتنه وکړه تر څو په مسکلي او معیاري شکل کارونه وکړي.
د پروژو مسؤلینو ښاروال ته ډاډ وکړ چې دوی به اساسي او معیاري کار کوي تر څو په راتلونکي کې هم د ورته پروژو باور پرې وشي.
د یادونې وړ ده چې د مهترلام ښاروالۍ له لوري د ښار په بېلابیلو برخو کې په تنویرې پایو هم کار روان دی چې په بشپړیدو سره به یې ښار روښانه شي.
۱۴۰۲/۱۱/۱۹
#مهترلام_ښاروالۍ_مطبوعاتو_دفتر
