په مهترلام ښار کې د یخ د بیې او انتقال کنټرول لپاره د ښاروالۍ جدي اقدامات ترسره شول

web_admin
Sat, Jun 28 2025 10:54 AM
يخ کنټرول

د مهترلام ښاروالۍ د ښاري نظم د ټینګښت، د احتکار مخنیوي او د ښاریانو لپاره د یخ مناسب عرضه کولو په موخه، د مهترلام ښاروال الحاج مولوي رحمت الله شهامت په لارښونه، د ښاروالۍ د لومړۍ ناحیې مدیر ملا عباس ابراهیمي په مشرۍ چې د ښاروالۍ امرینو یې ملتیا کوله د مهترلام ښار د یخ فابریکو له مسؤلینو سره د ناستې ترڅنګ د یادو فابریکو له فعالیتونو څخه مستقیمه لیدنه او نظارت ترسره کړ
په دې لیدنه کې، ملا عباس ابراهیمي د یخ فابریکو مسؤلینو ته جدي سپارښتنه وکړه چې د لغمان ولایت له پولو څخه باید یخ نورو ولایتونو ته انتقال نه شي، ترڅو د ولایت دننه د یخ اړتیاوې په پوره ډول پوره شي او خلکو ته د اړتیا وړ یخ پر مناسب نرخ برابر شي
همداراز، نوموړي یخ تولیدوونکو ته د صنعت او سوداګرۍ ریاست له لوري د ټاکل شوي نرخنامې یادونه وکړه، چې له مخې یې یوه کنده یخ باید په عمده ډول په ۳۰ افغانۍ وپلورل شي او همداراز په ښار کې یخ پلورونکي یوه کنده یخ  له ۵۰ افغانۍ پورته نشي پلورلی، که هر چا له پورته نرخنانې څخه سرغړونه وکړه قانوني چلند ورسره کېږي، چې بیا حق د شکایت نه لري
د مهترلام ښاروالۍ مشرتابه وایي، چې دغه ډول اقدامات د بازار د تنظیم، د احتکار د مخنیوي او د خلکو د اقتصادي ستونزو د کمولو لپاره ضروري دي، او یاده چاره به هره ورځ ترسره کېږي

Latest news

Sun, Nov 30 2025 6:31 AM
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

Sun, Nov 30 2025 6:26 AM
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

Thu, Nov 27 2025 8:04 AM
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS