د مهترلام ښار له پارکونو، ګلدانونو او شنو ساحو څخه نظارت ترسره شو
د مهترلام ښاروال الحاج مولوي نظر محمد عتیق د ځانګړې لارښونې له مخې د مهترلام ښاروالۍ د زرغونتیا مدیریت مامور ریحان الله اریان د ښار له یو شمېر پارکونو، ګلدانونو او شنو ساحو څخه لیدنه او نظارت ترسره کړ
د یادې لیدنې پر مهال د پارکونو، نیالګیو، ګلانو او چمنونو د ساتنې، خړوبولو او قینچي کولو چارې هم له نږدې وڅارل شوې او اړوند کارکوونکو ته لازمې سپارښتنې وشوې
د یادونې وړ ده چې د هوا د تودوخي د زیاتوالي له امله د زرغونتیا مدیریت مسٶلین وخت په وخت له پارکونو څخه نظارت کوي او کارکوونکو ته د خړوبولو په موخه لازمې سپارښتنې کوي
