د نیالګیو کینولو جشن
د ولسمشرجلالتماب محمد اشرف غني د لارښوونې سره سم دا چې د کب شلمه د نیالګیو کرلو ملي ورځ ده نو په همدې موخه لغمان ولایتي ادارې دغه ورځ له پراخې ولسي ناستې وروسته د نیالګیو په کرلو پیل کړه.
په دغه مراسمو کې د لغمان والي محمد اصف ننګ، مهترلام ښاروال انجینر نظیف الله الکوزي، د ولایتي ادارې ریئسانو، ښاري اصنافو،علماوو، ولسي مشرانو سربیره د لغمان ځوانانو برخه لرله.
لغمان والي محمد اصف ننګ، او نورو ویناوالو د مراسمو په پیل کې د نیالګي په کرلو او پالنه مفصلې خبرې وکړې او د نیالګیو په ارزښت یې برخوالو ته معلومات ورکړل.
وروسته د ډول په وهلو د نیالګیو د کر میله پیل شوه، چې سلګونه مېوه لرونکي او زینتي بوټي کېنول شول.
دیادونې وړ ده: چې د نیالګیو د کرلو او د زرغونتیا د جشن پر مهال مهترلام ښاروال انجینر نظیف الله الکوزي د افغانستان او په خاص ډول د لغمان ولسونو ته پیغام دا و چې د هیواد په زرغونتیا کې فعاله ونډه واخلئ او یو نیالګی د ځان او بل د ګران افغانستان لپاره کینوئ او ترخوا یې له مهترلام ښاریانو هیله وکړه چې له خپلې ښاروالۍ سره د نیالګیو په پاللو او ساتلو کې همکاري وکړي.
د مراسمو په پای کې د مهترلام ښاروالۍ له لوري د لومړۍ ناحیې د ګذر وکیلانو باندې د لغمان والي او مهترلام ښاروال د بیرې نیالګي ور وویشل چې خپلو سیمو او کورونو کې وکري او ساتنه ترې وکړي
