د مهترلام ښاروالۍ او د ولسي تړون برنامې مسولينو د دویمې، درېیمې، څلورمې او پنځمې ناحیې ګذر وکیلانو سره ناسته وکړه
ددې ناستې موخه د ملي دسترخوان برنامې تطبيق کوونکو سره د ښاروالۍ او د ګذر وکيلانو د مرستې او همغږۍ جلب کول و؛ ترڅو د ملي دسترخوان برنامه په غوره شکل تطبيق شي او مستحقو کسانو ته منظمې مرستې ورسېږي.
د ولسي تړون برنامې مسؤل د ملي دسترخوان برنامې باندی رڼا واچوله او د غونډې ګډونوالو ته یې د یاد پروګرام په اړه هر اړخیز معلومات ورکړل، د غونډې په جریان کې د ګډونوالو پوښتنو ته ځوابونه هم وويل شول.
د ښاري حکومتولۍ آمر د ګذر وکیلان د برنامې د ښه تطبیق په موخه وهڅول؛ تر څو د ولسي تړون مسؤلینو سره همکاري وکړي او د شفافیت او مستحقو کورنیو په نښه کولو کې ورسره مرسته وکړي.
ياده دې وي، چې په دې ناسته کې د ښاري حکومتولۍ امر بختيار حسين خېل، د ولسي تړون برنامې مسولينو ( سید یوسف سادات او انجنير عيسی خان) برخه درلوده.
