مهترلام ښاروالۍ د خپلو برنامو په لړ کې تېره شپه په ښار کې د اوسپنيزو کپو د ايښودلو پرانیسته وکړه

Anonymous (not verified)
Wed, Jun 30 2021 6:08 AM
شاروالی مهترلام

د پرانستې په دې مراسمو کې مهترلام ښاروال مجاهد رحمت زي د لغمان والي ښاغلي عبدالولي واحدزي او ورسره راغلو مشرانو ته ددې برنامې د اړتيا په اړه بشپړ معلومات ورکړل او زياته يې کړه، چې ددې برنامې تطبيق سره به مهترلام ښار لاس پلورونکي په معياري او منظمو کپو کې کيني او خپل ورځني کار ته به ادامه ورکړي.

ښاروال وویل: ( مهترلام ښار کوچنی دی او د ښاريانو ګڼه ګوڼه په کې زياته ده، چې له همدې امله يو شمېر لاس پلورونکو هم په ښار کې خپلسری کار پيل کړی دی، چې ښار يې بې نظمه کړی او د ښاريانو په وړاندې يې ستونزې پيدا کړي دي.

د اوسپنيزو کپو ايښودلو سره به ښار تر يو اندازې منظم شي، لاس پلورونکو ته به د کار زمينه برابره شي، د ښاروالۍ عوايد به ثابت شي او د ښاريانو ستونزې به تر يو اندازې را کمې شي.)

ورپسې لغمان والي ښاغلي واحدزي د مهترلام ښاروالۍ ددې برنامې ستاېنه وکړه او ټينګار يې وکړ، چې د ښار نظم لپاره بايد ښاري کمېسيون او ښاروالۍ زيات کار وکړي او د ښاريانو شته ستونزې بايد تر ډېره راکمې کړي.

د مهترلام ښار لاس پلورونکو او ځوانانو هم په ښار کې د منظمو کپو د ايښودلو هرکلی وکړ او ژمنه يې وکړه، چې مهترلام ښاروالۍ سره په ګډه به د ښار تنظيم لپاره مبارزه کوي او خپل ښار به منظموي.

مهترلام ښاروالۍ د نورو برنامو ترڅنګ په ښار کې د نظم راوستو په موخه په خپل لګښت لاس پلورونکو ته د تختونو او کراچۍ ګانو په بدل کې، معياري کپې جوړې کړي او دوی ته يې ورکوي، چې له امله به یې د يو منظم سيسټم له لارې مهترلام ښاروالۍ ته ثابت عوايد هم ورځي.

تازه په مهترلام ښار کې د کپو ايښودلو لړۍ پيل شوېده، چې اوس مهال به ۱۵۰ کپې لاس پلورونکو ته په واک کې ورکړل شي او دا لړۍ به همداسې دوام پيدا کړي.

شاروالی مهترلام

 

Latest news

Sun, Nov 30 2025 6:31 AM
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

Sun, Nov 30 2025 6:26 AM
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

Thu, Nov 27 2025 8:04 AM
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS