د مهترلام ښار د زرغونتیا په موخه د نیالګیو او زینتي بوټو د کېنولو لړۍ روانه ده
د مهترلام ښاروالۍ له داخلي بودجې د مهترلام ښار د سمسورتیا په موخه د ۴ زره میوه لرونکو او غیرې میوه لرونکو نیالګیو کېنولو لړۍ د مهترلام ښار په پنځه واړه ناحیو کې د پلان له مخې په منظم شکل روانه ده
مهترلام ښاروال الحاج مولوي رحمت الله شهامت وايي: د مهترلام ښار د پنځه واړه ناحیو ترڅنګ د ښار په ټولو هغه ساحو او ګلدانونو کې به هم نیالګي او زینتي بوټي کېنول شي کوم ځای کې چې ډیر ضروریت وي
ښاروال له ټولو ښاریانو غوښتنه کوي چې د نیالګیو او زینتي بوټو په ساتنه او پالنه کې له ښاروالۍ سره همکاري وکړي
د یادونې وړ ده چې تیر کال د مهترلام ښاروالۍ له لوري په مهترلام ښار کې ۱۱ زره میوه لرونکي او غیرې میوه لرونکي نیالګي کېنول شوي ؤ چې د ټولو په منظم شکل ښه پالنه او ساتنه شوې ده
