د مهترلام ښاروالۍ د دویمې ناحیې په مربوطاتو کې د کثافاتو د پاکولو او انتقال چارې ترسره شوې

web_admin
Tue, Jun 17 2025 9:22 AM
د کثافاتو انتقال

د مهترلام ښاروالۍ د تنظیف مدیریت د دوامدارو هڅو په لړ کې، نن د دویمې ناحیې زیارکښو کارکوونکو د ښاري پاکوالي په هدف خپل پراخ فعالیتونه ترسره کړل
په یادو فعالیتونو کې د سلطان غازي بابا ښارګوټي دروازې ترڅنګ د سړک غاړې غټي کثافت دانۍ، د قومندانۍ درې لارې، دارالمعلمین درې لارې، د مدقیق روغتون شاوخوا کوڅې او د سبزي مارکېټ مخامخ غټي کثافت دانۍ په بشپړ ډول پاکې شوې
د پاکولو پر مهال ټول جامد کثافات د ځانګړو تنظیفي وسایطو له لارې له ښار څخه لرې، ځای ته انتقال او هلته د چاپېریالي اصولو مطابق دفن شول،
د مهترلام ښاروالۍ د تنظیف او سرسبزۍ مدیریت مسؤلین وایي: یاد فعالیتونه به یې دوامداره وي او د ښار هره ناحیه به د یو معیاري پاکوالي تر چتر لاندې راوستل کېږي
مهترلام ښاروال الحاج مولوي رحمت الله شهامت د ښاروالۍ د تنظیف کارکوونکو هڅې ستايي او له ټولو ښاریانو غوښتنه کوي چې له یادو کارکوونکو سره د ښار په پاک او منظم ساتلو کې همکاري وکړي، کثافات د ښاروالۍ له لوري په لګول شویو کثافت دانیو کې واچوي، ترڅو د تنظیف ډله یې یو لرې ځای ته انتقال او د اصولو مطابق دفن کړي

Latest news

Sun, Nov 30 2025 6:31 AM
Background image

په مهترلام ښار کې د ګلدانونو او پارکونو منظم خړوبول دوام لري

د مهترلام ښاروالۍ د تخنیکي او مسلکي آمریت ترچتر لاندې د تنظیف او سرسبزۍ مدیریت زیارکښو کارکوونکو له لوري هره ورځ د پارکونو نیالګي او د ښار ګلدانونه په منظم شکل خړوبیږي

د پارکونو د اوبه. . .

Sun, Nov 30 2025 6:26 AM
Background image

ګډ کمېسیون په مهترلام ښار کې د پلو لارو د خلاصون آشر ترسره کړ

یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر. . .

Thu, Nov 27 2025 8:04 AM
Background image

د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي

د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي

د کارونو د ښه کیفیت په موخه مهترلام ښاروال الحاج مولوي رحمت الله شهامت چې د. . .

BACK TO NEWS