د مهترلام ښاروالۍ له لوري د یو کیلومتر په اوږدوالي د سرک هموارکارۍ چارې پیل شوې
د مهترلام ښاروالۍ له داخلي بودیجې د درېیمې او څلورمې ناحیو اړوند د «ار یک» تفصیلي پلان په ساحه کې د یو کیلومتر په اوږدوالي او ۳۰ مترو په پلنوالي د سرک هموارکارۍ چارې پیل شوې
یادې چارې د تخنیکي او مسلکي امر انجنیر زاهدالله مجددي، د سرک جوړونې انجنیر احمدشاه الکوزي او د پلان جوړونې او خط اچونې انجنیر عبدالواحد محمدي په حضور کې پیل شوې
د مهترلام ښاروالۍ تخنیکي او مسلکي امر انجنیر زاهدالله مجددي وویل، چې د یاد سرک په جوړېدو سره به نه یوازې د لغمان د کرکټ لوبغاړو، بلکې د څلورو اړوندو تفصلي پلانونو ار یک، ار دوو، ار پنچ، او ار شش اوسېدونکو ته د تګ راتګ سهولتونه برابر شي
د لغمان د کرکټ ادارې مسؤل جمیل ستانکزی د مهترلام ښاروالۍ وروستي فعالیتونه او کارونه ستايي او وايي چې «تر دې وړاندې د سرک نشتوالي له امله لوبغاړي او د سیمې خلک له ګڼو ستونزو سره مخ وو، خو د دې سرک په جوړېدو سره به دا ستونزې له منځه ولاړې شي.»
د سیمې یو تن اوسېدونکی نجیبالرحمن هم وايي، چې پخوا د سرک نشتون د خلکو د ورځني ژوند یوه لویه ستونزه وه، خو اوس د ښاروالۍ د دغه اقدام له امله د تګ راتګ لپاره به اسانتیاوې برابرې شي
د یادونې وړ ده چې له دې وړاندې د مهترلام ښاروالۍ له لوري د درېیمې ناحيي اړوند ار سه او ار 10 تفصلي پلانونو کې د اتو فرعي سرکونو هموارکاري هم شوې چې اوس مهال خلک پرې په اسانۍ سره تګ راتګ کوي
