ګډ کمېسیون په مهترلام ښار کې د پلو لارو د خلاصون آشر ترسره کړ
یاد کمېسیون چې د لومړۍ ناحيې د مدیر ملا عباس ابراهیمي په مشرۍ برابر شوی وو، د ښاروالۍ د څارنې او ارزونې آمر الحاج عبدالطیف اخندزاده، د اصنافو رئیس حاجي محمد طالب خپلواک، د ترافیکو مدیر حبیب الله مبارز د ښار د لومړۍ امنیتي حوزې مسؤلینو، د ښاروالۍ یو شمیر مدیرانو او مامورینو پکې ګډون کړی وو
کمېسیون د ښار صرافي مارکیټ او د محکمې شاوخوا د پلو لارو په ساحه کې هغه دوکاندارانو او هټیوالو چې په غیرې قانوني توګه په ترپالونو، چترۍ ګانو او نور شیانو باندې پلې لارې بندې کړې وې د ښاریانو پرمخ خلاصې کړې
د لومړۍ ناحيي مدیر ملا عباس ابراهیمي" ټولو دوکاندارانو او هټیوالو ته خبرداری ورکړ چې د پلو لارو خلاصون ته په جدي توګه پام وکړي، که هر چا لاره بنده کړه قانوني چلند ورسره کېږي چې بیا حق د شکایت نه لري
د یادونې وړ ده چې هر وخت د مهترلام ښاروالۍ له لوري ښاریانو ته د لارو د خلاصون په موخه د ګډ کمېسیون له لوري اشر ترسره کېږي، ترڅو ښاریان په آرامه په ښار کې تګ راتګ وکړي
