د اسد د ۲۴مې ملي ورځې په پار په لغمان کې د مبارکۍ او عامه پوهاوي بنرونه په مختلوفو شعارونو سره ولګول شول
د اسد د ۲۴مې ملي ورځې د شاندارې نمانځنې په موخه، په لغمان ولایت کې د مهترلام ښاروالۍ، د اطلاعاتو او کلتور ریاست او د الصارم فکري او فرهنګي ادارې په ګډې همکارۍ د ښار په بېلابېلو سیمو کې د مبارکۍ او عامه پوهاوي بنرونه د مختلفو ملي شعارونو سره ولګول شول
مهترلام ښاروال الحاج مولوي رحمت الله شهامت وايي، چې دوی د بنرونو ترڅنګ د یادې ورځې د ښې نمانځنې په موخه ټول ښار په سپینو بیرغونو هم پوښلی دی
بل اړخ ته بیا د لغمان د اطلاعاتو او کلتور رئیس مولوي عبدالنور رسولي ویلي، چې د ولایت په بېلابېلو سیمو کې د اسد د ۲۴مې یا د امریکایي اشغال څخه د آزادۍ د ورځې د ښې نمانځنې په موخه تبلیغاتي پوسټرونه هم نصب شوي دي
یاده ورځ چې د هېواد د آزادۍ او د ۱.۱.۱ د بریا نښه ده، په لغمان کې د منظم پلان او پراخو ترتیباتو له مخې به په شاندارو مراسمو سره ونمانځل شي
