د لغمان پوهنې ریاست شاته د پلچکونو او ویالو د جوړیدو چارې %۶۰ فصیده بشپړې شوي دي
د مهترلام ښاروالۍ له داخلي بودجې د ۵ میلیونه افغانیو په ارزښت د دویمې ناحيي اړوند د لغمان پوهنې ریاست شاته د لس پلچکونو او د ۱۶ سوه متره په اوږدوالي د ویالو د جوړیدو چارې په چټکۍ روانې دي
د مهترلام ښاروالۍ د سروې انجنیر فرید الله نیازي چې له یادو کار څخه یې څارنه کوله نوموړي وویل، د مهترلام ښار په دویمه ناحیه کې د ویالو او پلچکونو د جوړیدو چارې په مسلکي او معیاري شکل روانې دي چې تر دې دمه یې %۶۰ فیصده کارونه یې بشپړ شوي دي
د مهترلام ښار اوسیدونکي د پلچکونو او ویالو په جوړیدو سره خوشاله دي او له مهترلام ښاروالۍ څخه مننه کوي چې د دوی په سیمه کې یې د بیارغونې کارونه روان کړې دي
دوی وايي، په بارانونو کې په یاده ساحه کې د تګ پر مهال له ستونزو سره مخ ؤ اوس به د پلچکونو او ویالو په جوړیدو سره زموږ ستونزې حل شي
د یادونې وړ ده چې د مهترلام ښاروالۍ له لوري د ښار په مختلفو برخو کې د بیارغونې کارونه روان دي چې ډیری خلکو ته پکې د کار کولو زمینه هم برابره شوې ده
