د مهترلام ښاروالۍ له لوري د سراج باغ د ویالو او پلچکونو پاک کاري ترسره شوه
د مهترلام ښاروالۍ د لومړۍ ناحيي مدیریت په لارښونه د تنظیف زیارکښو کارکوونکو له لوري د ښار لومړۍ ناحیې اړوند د سراج باغ د ویالو او پلچکونو پاک کاري ترسره شوه
یادې ویالې چې له اوږدې مودې راهیسې د شګو، خځلو او بېلابېلو کثافاتو له امله بندې شوې وې، د مهترلام ښاروالۍ د تنظیف زیارکښو کارکونکو له لوري په بشپړه توګه پاکې شوې، چې له امله یې د اوبو جریان بېرته عادي حالت ته راوګرځېد
یاده چاره د ښاري نظم، د ناروغیو د مخنیوي، د اوبو په منظم شکل جریان او د یو پاک چاپېریال د رامنځته کولو په موخه ترسره شوه
مهترلام ښاروالۍ رهبري له ټولو ښاریانو څخه غوښتنه کوي چې د ښار په پاک ساتلو کې له ښاروالۍ سره همکاري وکړي او کثافات په لګول شویو کثافت دانیو کې واچوي ترڅو د ښاروالۍ د تنظیف ډله یې یو مناسب ځای ته انتقال او دفن کړي
