د مهترلام ښار د سرسبز کولو په موخه د مهترلام ښاروالۍ اقدامات
مهترلام ښاروالۍ غواړي چې سږکال د مهترلام ښار پنځه واړه نواحیو کې د زرغونتیا او سمسورتیا په موخه نیالګي، زینتي بوټي او ګلان نهال کړي، چې نن په همدې موخه د پنځمې ناحيي مدیریت له لوري په یاده ناحیه کې د نیالګیو کینولو لپاره ځایونه وکیندل شول
د مهترلام ښاروالۍ د پنځمې ناحيي مدیر محمد منیر فاروق وویل، چې دوی نن د مهترلام ښاروال الحاج مولوي رحمت الله شهامت په لارښونه سږکال نیالګیو، زینتي بوټو او ګلانو د ګرلو او نهال کولو لپاره د ځایونو جوړولو چارې پیل کړې، چې د ټولو نیالګیو او ګلانو لپاره به په منظم شکل د پلان له مخې ځایونه جوړ او وګرل شي
د یادونې وړ ده چې تیرکال هم د مهترلام ښاروالۍ له لوري د مهترلام ښار په پنځه واړه نواحیو کې ۱۱ زره میوه لرونکي او غیري میوه لرونکي نیالګي کینول شوي وه چې د ټولو په سالم ډول پالنه او روزنه شوې ده
