د ښاري حکومتولۍ آمریت له لوري په دویم ګذر کې د پاک چاپېریال ساتنې په موخه عامه پوهاوی ورکړل شو
د مهترلام ښاروالۍ د ښاري حکومتولۍ آمریت ترچتر لاندې د مطبوعاتو او عامه پوهاوي مدیریت له لوري د پنځمې ناحيې اړوند دویم ګذر اوسیدونکو ته د پاک چاپېریال ساتنې په موخه عامه پوهاوی ورکړل شو
د عامه پوهاوي د ورکولو پر مهال د مهترلام ښاروالۍ د ښاري حکومتولۍ آمر الحاج عباس عمري ترڅنګ، د مطبوعاتو او عامه پوهاوي مدیر لعل آغا ابراهیمي، د پنځمې ناحيې یو شمیر مامورینو او د یاد ګذر وکیل او مشرانو ګډون کړی وو
د مطبوعاتو او عامه پوهاوي مدیر ابراهیمي ښاروالۍ د ټولو ګډ کور یاد کړ او د ګذر له اوسیدونکو څخه یې غوښتنه وکړه چې کثافات د ښاروالۍ له لوري په لګول شویو کثافت دانیو کې واچوي ترڅو د ښاروالۍ د تنظیف ډله یې یو لیرې ځای ته انتقال او د چاپېریالي اصولو مطابق دفن کړي
همداراز نوموړي غوښتنه وکړه چې د ګذر اوسیدونکي باید د ښاري خدماتو په تحویلولو کې له ښاروالۍ سره همکاري وکړي او د ښاري خدماتو محصول باید پر وخت تحویل کړي
د مجلس په پای کې د ښاري حکومتولۍ آمر الحاج عباس عمري د ګذر د اوسیدونکو ستونزې واریدل شوې او د حل په موخه ورته ډاډ ورکړل شو
یاده دې وي چې د مهترلام ښاروال الحاج مولوي رحمت الله شهامت په ځانګړې هدایت د پاک چاپېریال ساتنې د عامه پوهاوي دغه برنامه پیل شوې چې د مهترلام ښار پنځه واړه ناحیو ګذرونو اوسیدونکو ته به د پلان مطابق ورکړل شي
