مهترلام ښاروالۍ کرکټ لوبډلې لومړۍ بریا ترلاسه کړه
د لغمان ولایت د ثبتو کلبونو ترمنځ د انټرکلب سیالیو په لړ کې مهترلام ښاروالۍ کرکټ لوبډلې له یوې ښکلې لوبې وروسته په خپله لومړۍ لوبه کې روښان لغماني لوبډلې ته ماتې ورکړه او لومړۍ بریا یې خپله کړه.
په یاده سیالۍ کې ښاروالۍ لوبډلې مقابلې لوبډلې ته د ۲۰۰ منډو هدف ټاکلی وو چې په ځواب کې د روښان لغماني لوبډلې د خپلو ټولو لوبغاړو په اوټ کیدو سره یوازې ۶۶ منډې جوړې کړې او د ۱۳۵ منډو په توپیر یې ستره ماتې وخوړه.
د مهترلام ښاروالۍ په ګټه مجبور خروتي خطرناکه توپ اچونه وکړه د سیالې لوبډلې پنځه لوبغاړي اوټ کړل او د یادې لوبې غوره لوبغاړی شو.
د یادونې وړ ده چې مهترلام ښاروالۍ لوبډله به خپله راتلونکي سیالۍ د سه شنبې ورځ ترسره کړي
