مهترلام ښاروال د ښاروالۍ له روانو پروژو څخه د لیدنې ترڅنګ د کار په ښه کیفیت ټینګار وکړ
د مهترلام ښار په مختلفو ساحو کې د مهترلام ښاروالۍ له داخلي بودجې د پنځه پراختيايي پروژو چارې جریان لري چې نن مهترلام ښاروال الحاج مولوي رحمت الله شهامت چې د دویمې ناحيي مدیر حاجي محمد حسین الکوزي یې ملتیا کوله د يادو پروژو له کارونو څخه یې ليدنه وکړه
په یاده لیدنه کې ښاروال د پروژو مسؤلینو باندې ټینګار وکړ چې کارونه په میعاري او اساسي شکل د پلان مطابق ترسره کړي
ښاروال وويل، د ښاروالۍ د هرې پروژې لپاره ځانګړې مسلکي انجینران ټاکل شوي که د پروژو مسؤلینو په کارونو کې غفلت وکړ او یا هم بې کیفیته کار یې وکړ دوی به ورسره قانوني چلند وکړي
د یادونې وړ ده چې د مهترلام ښاروالۍ په روانو پروژو کې پر ورځني ډول بیا شاوخوا ۴۵۰ کسانو ته د کار کولو زمینه هم برابره شوې ده
