د مهترلام ښاروالۍ اداري ناسته
نن دوشنبه(۳۰/۴/۱۳۹۹) د مهترلام ښاروال انجنیر نظیف الله الکوزي په مشرۍ اداري مجلس تر سره شو.
یاد مجلس د قرانکریم د مبارکو ایاتونو په تلاوت سره پیل شوه او د پرانیستې وینا مهترلام ښاروال انجینر نظیف الله (الکوزي ) وکړه، د ښاروالۍ د کاري چارو د ښه د مدیریت، تنظیم او په اداره کې یې د ښې همغږۍ په تړاو وینا وکړه.
د مهترلام ښاروالۍ د تیرې اداري ناستې د راپور غوښتنې ترڅنګ د روانو پروژو د پرمختګ، کمیت او کیفیت په اړوند یې سکتوري امریت ته د کارونو د چټکتیا سپارښتنه وکړه او په ورته مهال یې د سلطان غازي بابا د ښارګوټي د حمامونو د ستونزو د حل، د سبزی مارکیټ د ستونزو د حل په موخه سکتوري امر ته سپارښتنې وکړې.
مهترلام ښاروال په خپلو خبرو کې وویل: ښاري نظم ته دې خاصه توجه وشي، د تنظیف مدیریت دې خپل کارونه چټک کړي، ښاري فرهنګ د دودونې په موخه دې ښاریانو ته لازمې لارښوونې وشي، د ټولو نواحیو مدیران دې د خدماتو محصول د راټولونې په برخه کې چټکتیا رامنځته کړي او ترڅنګ دې د غصب سره د مبارزي په برخه کې خپل راپورونه له ماسره ژر تر ژره شریک کړي.
مهترلام ښاروال زیاته کړه: د ښاري حکومتولۍ امریت دي له مشورتي بورد او ولایتي ګډې سره یو ځای د سلام ځای تفریحي پارک د ټولنیزو ستونزو د حل په برخه کې کوټلي ګامونه واخلي.
وروسته د مهترلام ښاروالۍ امرینو، د نواحیو مدیرانو او د اړوند کاري برخې مامورینو مهترلام ښاروال ته خپل کاري راپورونه وړاندې کړل او په ورته مهال یې مهترلام ښاروال ته د خپلو کړنو د ښه ترسره کیدا ډاډ ورکړ.
د ناستې په وروستۍ برخه کې د هر اړخیزه ستونزو د حل په موخه ازاد بحث ترسره شوه او د ستونزو د حل په موخه لازم تصامیم ونیول شوه.
.
