د لومړۍ ناحيې اړوند د دارالمعلمين په مسیر د چړايي د جوړیدو چارې په چټکۍ روانې دي
د مهترلام ښاروالۍ له داخلي بودیجې د لغمان عالي دارالمعلمین په مسیر د چړایي د جوړیدو چارې په چتکۍ روانې دي
د کارونو د ښه کیفیت په موخه مهترلام ښاروال الحاج مولوي رحمت الله شهامت چې د لومړۍ ناحيې مدیر ملا عباس ابراهیمي یې ملتیا کوله له یادو کارونو څخه یې لیدنه وکړه
په یاده لیدنه کې ښاروال د پروژو پر مسؤلینو ټینګار وکړ چې کارونه دې د انجینري اصولو، تخنیکي معیارونو او ترتیب شوي پلان سره سم، په باکیفیته او اساسي ډول ترسره کړي
د یادونې وړ ده چې اوس مهال د یادې پروژې چارې ۹۵ سلنه بشپړې شوي چې په نږدې ورځو کې به یې ټول کارونه ترسره شي او ګټې اخیستنې ته به وسپارل شي
