د مهترلام ښاروالۍ له لوري د ګلدانونو د منظم کولو چارې جریان لري
د مهترلام ښاروالۍ د تنظیف او سرسبزۍ مدیریت له لوري د مهترلام ښار د ګلدانونو د ګلانو ځمکې نرمولو او منظم کولو چارې جریان لري، چې د مهترلام ښار د پنځه واړه ناحیو د ګلدانونو ګلان او زینتي بوټو ځایونه به په منظم شکل جوړ کړل شي
د دې برنامې موخه دا ده چې د ښار په بېلابېلو ناحیو کې د ګلدانونو ساحې په منظم شکل سره جوړې، ښايسته او ښاري ښکلا سره برابرې اوسي، په دې لړ کې، نه یوازې د ګلدانونو د خاورې نرمول او تنظیم صورت نیسي، بلکې د زینتي بوټو، ګلانو او نیالګیو لپاره حیواني او کیمیاوي سره هم د یاد مدیریت زیارکښو کارکونکو له لوري ورکول کېږي
د یادونې وړ ده چې د مهترلام ښاروالۍ د تنظیف او سرسبزۍ مدیریت له لوري وخت په وخت د ګلانو، ونو، زینتي بوټو، پارکونو او چمنونو څارنه او پالنه هم ترسره کېږي
