د مهترلام ښار د دویمې ناحیې اخیر سټاپ کې له ویالو راویستل شوي کثافات انتقال او دفن شول

د مهترلام ښاروالۍ د تنظیف زیارکښو کارکوونکو له لوري د ښار د دویمې ناحیې اړوند اخیر سټاپ سیمه کې د سړک غاړې ویالو د پاکولو چارې ترسره شوې، چې په ترڅ کې له یادو ویالو راویستل شوي کثافات، خځلې او نور جامد مواد یو لیرې ځای ته انتقال او د چاپېریالي اصولو سره سم دفن شول
دا فعالیت د ښار د پاکوالي، د اوبو د بهېدنې د مسیر د خلاصون، او د روغتیايي خطرونو د مخنیوي په موخه ترسره شو، ترڅو د خځلو راټولېدو له امله رامنځته کېدونکي بدبویي، مکروبونه او ناروغۍ مهار شي
د مهترلام ښاروالۍ مشرتابه وایي، چې یادې چارې به دوام ولري او هڅه کېږي چې د ښار ټولې ناحیې تر پوښښ لاندې راشي
نوموړی له ښاریانو غوښتنه کوي چې د خځلو منظم ځای پر ځای کولو ته پاملرنه وکړي او د ښار د پاک ساتلو په برخه کې له
ښاروالۍ سره همکاري وکړي